YYIM အကြောင်း

ရန်ကုန်မြို့၏ အကြီးဆုံးအပြေးပြိုင်ပွဲနှင့် တစ်ခုတည်းသော မာရသွန်ပွဲတစ်ခုဖြစ်ပြီး ပြည်တွင်းသာမက ပြည်ပမှ ပြိုင်ပွဲဝင်အားကစားသမားများနှင့် လူထုတို့ အပြေးအားကစား မှတဆင့် ပိုမိုချစ်ကြည်ရင်းနှီးလာစေရန် ရည်ရွယ်ကျင်းပခြင်းဖြစ်သည်။ အပြေးသမားများအနေဖြင့် မြို့ပြနှင့် ရှေးစရိုက်ဆန်မှုများဖြင့် ရောစပ်ထားသည့် ရန်ကုန်မြို့ရှိမေ့မ ရနိုင်သော ရှုမြင်ကွင်းများကို တွေ့မြင်ခံစားနိုင်မည်ဖြစ်သည်။ ရာချီသော လုပ်အားပေးများ၊ ထောင်ပေါင်းများစွာသော ပြိုင်ပွဲဝင် အပြေးသမားများ နှင့် စိတ်အားထက်သန်သော ပြည်သူလူထု၏ အားပေးမှုတို့ဖြင့် ရိုးမ-ရန်ကုန်အပြည်ပြည်ဆိုင်ရာ မာရသွန်သည် ကမ္ဘာ့အပြေးပြိုင်ပွဲ ပြက္ခဒိန်တွင် အဓိကကျသည့် နေ့တစ်နေ့ပင်ဖြစ်သည်။

0TH

edition

ကျေးဇူးတင်ပါသည်

၂၀၂၀ ရိုးမရန်ကုန် အပြည်ပြည်ဆိုင်ရာမာရသွန်ပြိုင်ပွဲကြီးမှာ အပြေးသမားများ၊ ထောက်ခံအားပေးသူများ၊ လုပ်အားပေးများနဲ့ စပွန်ဆာများအားလုံး သက်ဆိုင်ရာကဏ္ဍအလိုက် ပါဝင်ကူညီပေးကြတဲ့အတွက် ယနေ့အထိ ကျင်းပခဲ့သမျှ မာရသွန်ပြိုင်ပွဲတွေအားလုံးမှာ အောင်မြင်မှုအရှိဆုံးပြိုင်ပွဲဖြစ်လာတဲ့အတွက် အထူးပင် ကျေးဇူးဥပကာရတင်ရှိပါကြောင်း ဖော်ပြအပ်ပါတယ်။

တနင်္ဂနွေနေ့က ကျင်းပခဲ့တဲ့ (၈) ကြိမ်မြောက် မာရသွန်ပြိုင်ပွဲကြီးမှာ နိုင်ငံပေါင်း ၅၀ ကျော်မှ ပြိုင်ပွဲဝင်ပေါင်း ၁,၁၀၀၀ ကျော်ပါဝင်ယှဉ်ပြိုင်ခဲ့လို့ ကျင်းပပြီးစီးခဲ့တဲ့ ပြိုင်ပွဲအားလုံးမှာ ယှဉ်ပြိုင်သူအများဆုံး စံချိန်သစ်တင်ခဲ့ပါတယ်။

မာရသွန်ပွဲနေ့က ဓါတ်ပုံများနဲ့ ဗီဒီယို များကိုလည်း ထပ်တင်ပေးမှာမို့ စောင့်ကြည့်ပေးကြပါနော်။ ပြိုင်ပွဲဝင်များအနေနဲ့ မိမိတို့ရဲ့ ပြိုင်ပွဲရလဒ်များကို အောက်ပါ လင့်ခ်မှာ ကြည့်ရှုနိုင်ပါတယ်။